Cov Lus Qhia thiab Cov Lus Nug

Koj yuav tau hais kom koj tus neeg hlub sau rau daim foos no.

Koj kuj muaj peev xwm tiv toj rau cov chaw lis hauj lwm xws li nram qab no tau thiab:

• Monarca rau ntawm (651) 372-8642 (https://monarcamn.org/about)
• Lub Chaw Saib Xyuas Txoj Cai Ntsig Txog Neeg Thoj Niam hauv Xeev Minnesota (www.ilcm.org/)
• Cov Kws Pab Tswv Yim rau Tib Neeg Cov Cai (www.theadvocatesforhumanrights.org/Home)

Hu rau National Lawyers Guild Tus Xov Tooj Hu Sai rau ntawm (612) 444-2654.

Nyob hauv Minnesota, feem ntau ntawm kev yees duab los sis yees yeeb yaj duab rau cov neeg lis hauj lwm ntawm tsoom fwv nom tswv, kev teev tseg cov ntaub ntawv uas ntsig txog rau lawv lub luag hauj lwm ntawm cov neeg lis hauj lwm ntawm tsoom fwv nom tswv, kev sau cov ntaub ntawv ntsig txog lawv cov hauj lwm, kev tawm tsam, thiab kev yws cov tub ceev xwm mas yeej raug raws li txoj cai, tshwj tsis yog koj cuam tshuam cov tub ceev xwm uas yog siv dag siv zog.Feem ntau, kev sau thiab kev yees duab ub no rau cov neeg lis hauj lwm ntawm tsoom fwv nom tswv nyob rau ntawm yus tus kheej ntiag tug lub chaw, xws li cov chaw lag luam los sis cov tsev nyob, mas yeej raug raws txoj cai, yog tias tus tswv tsev pom zoo lawm.Qhov uas nyob ntsiag to thaum cov neeg lis hauj lwm ntawm tsoom fwv nom tswv nug txog thiab qhov uas tsis kam lees muab kev pom zoo cia tshawb nrhiav ub no rau ntawm yus lub chaw mas yeej raug txoj cai lawm thiab.Koj muaj txoj cai tham nrog ib tug kws lij choj ua ntej yuav teb cov nqe lus nug los ntawm feem tub ceev xwm.Yog tias koj raug ceev lawm, qhov uas qhia koj lub npe thiab hnub yug rau lawv mas yeej tsis ua cas.(Tseem muaj ntau yam uas ua tau raug raws li txoj cai.(Tej no tsis muaj hais txhij txhua rau ntawm no.)

Peb paub tias muaj qee tus neeg lis hauj lwm ntawm tsoom fwv thiab cov tub ceev xwm tau hawv hem tias yuav foob cov neeg uas tau ua phem los sis cuam tshuam uas tsuas yog tsav tsheb raws ICE cov tsheb xwb los yeej yog. Txawm li cas los xij, cov neeg yeej muaj txoj cai soj qab xyuas cov tub ceev xwm, suav nrog ICE cov tsheb, thiab qhov no muaj xws li kev soj qab xyuas lawv thaum lawv ncig mus los rau ntawm tej chaw tshav puam.Tsuav yog koj nyob kom nrug deb xwb, ces qhov coj li no yeej raug tiv thaiv raws li txoj cai lawm.Qhov ntawd tsis txhais tau tias koj yuav tsis raug foob—cov neeg pej xeem uas tsis paub qab hau dab tsi los yeej raug foob tau ib yam nkaus thiab—tias si qhov zoo ces qhov ntawd yuav ua rau koj muaj lub laj thawj zoo los thaiv nres rau kis uas koj raug foob ntawd.

Yog tias koj yog neeg xam xaj Meskas thiab raug cov neeg lis hauj lwm ntawm tsoom fwv nom tswv ntes lawm, feem ntau koj yuav raug coj mus rau tim lub tsev Whipple Building hauv Minneapolis.Nws yog txheej txheem cia nkag los uas cov neeg yuav tau ntaus taub ntiv tes thiab yees duab.Cov kws lij choj yuav tsis cuam tshuam txog qhov no.Feem ntau, cov kws lij choj yuav qhia koj lub npe thiab hnub yug nkaus xwb.Tom qab ua qhov txheej txheem no tiav tag lawm, tej zaum yuav coj koj mus rau hauv chav kaw neeg.Nyob rau qees kis, tej zaum cov neeg lis hauj lwm yuav coj koj mus rau ib chav nyob es mam li nug koj.Tej zaum lawv yuav nyeem koj cov cai rau koj mloog, thiab lawv yuav hais kom koj tso tseg koj qee cov cai thiab.Cov kws lij choj xav kom koj txhob lees tso tseg koj cov cai.Koj yuav tau hais tias “Kuv yuav tsis teb cov nqe lus nug.Kuv xav kom tham rau ib tug kws lij choj.”

Tsoom fwv nom tswv keev muab tib neeg cov xov tooj txhav cia.Vim lub laj thawj no, tab txawm yuav tau siv koj lub xov tooj los soj qab xyuas thiab yees duab cov neeg lis hauj lwm ntawm tsoom fwv nom tswv los xij, yog koj paub tias koj yuav raug ntes, ces tso koj lub xov tooj rau hauv koj lub tsheb los sis tso rau ib tug phooj ywg mas yuav zoo dua rau thaum koj raug ntes.

Yog xav paub cov ntaub ntawv ntau ntxig txog kev tiv thaiv koj cov cuab yeej hluav taws xob thiab tus kheej ntiag cov ntaub ntawv, ces saib phau ntawv qhia uas tuaj ntawm Electronic Frontier Foundation tuaj uas ntsig txog kev saib xyuas txog feem digital rau thaum tawm mus tawm tsam.

Cov neeg muaj xam xaj mas feem ntau yuav raug tso tawm rau tib hnub uas lawv raug ntes ntawd, feem ntau yuav yog ntau xuab moo tom qab lawv raug ntes.Feem ntau lawv yuav raug tso tawm“ncua lub txim foob.”Qhov no txhais tau tias lawv tsis raug foob tias ua txhaum cai, tiam sis tej zaum lawv yuav raug foob tias ua txhaum cai rau yav tom ntej tau.Txawm li cas los xij, tsis yog txhua tus yuav raug tso tawm rau tib hnub ntawd tau.Muaj tsawg kis, tsoom fwv nom tswv tau xaiv xa tus neeg raug ntes mus nyob rau lwm lub chaw (feem ntau yog Lub Tsev Kaw Neeg Hauv Cheeb Nroog Sherburne) uas yog saib raws li qhov uas tsoom fwv xav rub lub txim rau tus neeg raug foob tias ua txhaum tsoom fwv txoj cai.

Feem ntau yuav coj cov neeg tawm ntawm lub qhov rooj sab hau ntej ntawm lub tsev Whipple Building thiab nyob tos ntawd, tej thaum mas lawv yuav tsis nqa lawv lub xov tooj nrog lawv tau.Hmoov zoo uas muaj ib pab pawg hu ua The Haven uas tau tuaj ntsib cov neeg rau ntawm lub qhov rooj kom lawv siv tau xov tooj,muaj tsheb thauj lawv thaum uas xav tau, thiab muaj ib lub tsheb nyob tos muab kev pab dawb ntau yam rau sawv daws thiab.

Yeej muaj feem raug ntes dua tau, tab txawm tias koj raug ntes lawm los xij, tej zaum koj tseem yuav raug cov neeg lis hauj lwm ntawm tsoom fwv nom tswv foob rau yav tom ntej tau.Feem ntau ntawm cov kev sib foob ua txhaum txoj cai tsoom fwv, mas yuav tag sij hawm foob tom qab tsib lub xyoos, qhov no txhais tau tias koj yuav raug foob tias ua txhaum tsoom fwv txoj cai rau hauv ib lub caij ntawm tsib lub xyoos suav txij hnub koj raug cov neeg lis hauj lwm ntawm tsoom fwv nom tswv ntes ib zaug lawm.

Yog tias koj rov qab tub ceev xwm ntawm tsoom fwv ntes dua, koj yuav tsum:

1. Siv koj txoj cai nyob ntsiag to.Hais tias: “Kuv yuav tsis teb cov lus nug yog tsis muaj kuv tus kws lij choj.” (English: “I will not answer questions without my lawyer present.”)
2. Xav siv xov tooj hu, hu rau National Lawyers Guild Hotline rau ntawm (612) 444-2654.
3. Xav kom tub ceev xwm pub koj mus ntsib tug neeg uas tuaj ntawm tus kws lij choj hauv Koom Haum Kws Lij Choj Hauv Lub Teb Chaws.Tej zaum cov neeg lis hauj lwm ntawm tsoom fwv nom tswv yuav nyeem koj cov cai rau koj mloog, thiab lawv yuav hais kom koj tso tseg koj qee cov cai thiab.Cov kws lij choj xav kom koj txhob lees tso tseg koj cov cai.

Yog tias koj rov qab raug ntes dua los ntawm cov neeg lis hauj lwm ntawm tsoom fwv nom tswv, ces feem ntau koj yuav raug coj mus rau tim Lub Tsev Kaw Neeg Hauv Cheeb Nroog uas muaj ntawv cog lus ceev cov neeg uas tsoom fwv tau ntev ntawd (xws li Cheeb Nroog Sherburne, Cheeb Nroog Washington).

Nyob rau hauv ob peb hnub raug ntes ntawd, yuav coj koj mus rau tim Lub Tsev Txiav Txim Plaub Ntug Hauv Teb Chaws Meskas thawj zaug.Lub Tsev Txiav Txim Plaub Ntug yuav qhia koj txog koj cov cai thiab txiav txim siab seb koj puas muaj peev xwm ntiav tau ib tug kws lij choj los sis puas yuav tau teeb tsa ib tug kws lij choj tuaj ntawm tsoom fwv tuaj.Tej zaum tus kws lij choj, uas hu ua Tus Neeg Pab Kws Lij Choj Hauv Teb Chaws Meskas yuav thov kom muab koj ceev tseg.Tej zaum lawv kuj yuav pom zoo muab koj tso tawm thiab, tiam sis tsuas yog nyob rau qee kis xwb.Koj tus kws lij choj ntawm Tsoom Fwv Nom Tswv yuav hais kom muab koj tso tawm, yam tsis muaj dab tsi. Lub Tsev Txiav Txim Plaub Ntug yuav txiav txim siab seb yuav muab koj tso tawm los tsis tso, yog tias koj raug tso tawm, ces yuav muaj dab tsi siv tau rau koj thaum koj foob koj mus ntawd.

Los txog rau tam sim no, muaj neeg tshaj 30 leej raug ntes thiab raug tso tawm tab sis tseem ncua foob thiab tos ntawv ntes tuaj ntawm tsoom fwv tuaj.Nyob rau qee kis, yuav tau ceeb toom ua ntej rau cov neeg no kom lawv tuaj ntsib ua ntej yuav tuaj tshwm ntsej muag rau tim Tsev Txiav Txim Plaub Ntug thawj zaug.Nyob rau lwm kis, cov neeg lis hauj lwm ntawm tsoom fwv nom tswv yuav ntes thiab ceev cov neeg raug ntes rau ntawm lawv lub tsev nyob, lawv lub tsheb, los sis rau ntawm cov chaw ua hauj lwm.Feem ntau cov neeg raug ntes yuav raug tso tawm tom qab lawv mus tim Tsev Txiav Txim Plaub Ntug thawj zaug.Cov neeg feem ntau yeej tsim nyog tau txais Kws Lij Choj Ntawm Tsoom Fwv Pab los sis kom Tsev Txiav Txim Plaub Ntug teeb tsa kws lij choj pab tau.Txhua tus neeg yuav tau muaj ib tug Kws Lij Choj Ntawm Tsoom Fwv rau ntawm lawv lub rooj sib hais tim Tsev Txiav Txim Plaub Ntug Thawj Zaug.

Yog tias koj txhawj txog kev ntes neeg ntawm tsoom fwv, ces peb xav kom koj hu rau lub chaw National Lawyers Guild Federal Repression Tus Xov Tooj Hu Sai rau ntawm (212) 679-2811.Peb kuj xav kom koj tshab xyuas daim ntawv uas muab tuaj nrog ua ke nrog Cov Cai Lij Choj yog tias muaj Tub Xeev Xwm Khob Qhov Rooj.

Muaj ntau puas tus neeg pej xeem uas raug cov neeg lis hauj lwm ntawm tsoom fwv nom tswv ntes vim yog tes hauj lwm ntawm cov ICE tuaj rau hauv Minnesota.Tsuas muaj cov neeg feem tsawg xwb thiaj li raug foob.Tam sim no cov kws lij choj tsis paub tias muaj leej twg ntawm cov neeg ntawd raug foob yam tsis tau ua txhaum txoj cai dab tsi.Hmoov tsis muaj, tej zaum yeej yuav muaj qhov no tshwm sim tau thiab.

Tsis ntev los no, muaj 28 tus neeg raug foob vim ua txhaum tsooom fwv txoj cai, lawv puav leej raug ntes yav dhau los los ntawm cov neeg ua hauj lwm ntawm tsoom fwv nom tswv thiab raug tso tawm yam tsis raug foob los kuj muaj lawm.Muaj 21 tus neeg tau mus ntsib tom qab tau daim ntawv ntes thiab tau mus tshwm ntsej muag rau tim tsev txiav txim plaub ntug hauv tsoom fwv ib cheeb tsam hauv Minnesota lawm uas puav leej raug tso tawm ua ntej yuav raug qhuab qhia los sis raug tso tawm yam yuav tau ua raws li txoj cai.Lawv yuav tsum tau ua raws li txojc ai nkaus xwb thiab yuav tau mus tshwm ntsej muag rau tim tsev txiav txim plaub ntug.

Cov neeg feem coob uas raug rov qab ntes dua tab tom raug foob raws li txoj cai 18 U.S.C. 111.Tsoom fwv txoj cai no hais tias ib tug neeg twg uas “tau ua phem rau lub cev, tab kaum, thaiv, hem, hawv, los sis cuam tshuam” ib tug tub ceev xwm, suav nrog cov ICE thiab Kev Tshuaj Xyuas Kev Nyab Xeeb Hauv Lub Teb Chaws (Homeland Security Investigations, HSI) mas xam tias ua txhaum txoj cai.

Xav kawm kom paub ntau ntxiv, peb xav kom koj tshab xyuas daim ntawv no uas tuaj tim lub chaw National Lawyers Guild Mass Defense Program: Kev Rhuav Tshem Ntawm Tsoom Fwv los ntawm Sandwich, Lub Tshuab Nrov thiab Kev Tawm Tsam: Nqe Lus Piav Qhia rau ntawm 18 U.S.C. 111(a)(1).

Tsis txhais tau li ntawd. Cov neeg raug foob tias ua txhaum txoj cai muaj cai raug saib xyuas kom ncaj ncees raws li txoj cai, qhov ntawd txhais tau tias lub xeev yuav tau xa yam ua pov thawj mus thiab koj yuav muaj sij hawm los tawm tsam yam ua pov thawj ntawd rau thaum sib hais thiab txiav txim plaub ntug.Cov neeg uas tsis paub qab hau dab tsi feem ntau yuav raug foob tias ua txhaum cai, thiab qhov tseeb ces koj yuav raug foob yam tsis tsim nyog txhais tau tias koj yuav ua txhaum cai.Tshwj xeeb mas tam sis no, pom tau tias cov tub ceev xwm ntawm tsoom fwv yuav “iab liam tshaj qhov muaj tseeb” rau cov neeg txhawm rau hawv hem lawv, tab txawm tias yeej tsis muaj ib qho ua pov thawj tseeb rau qhov foob ntawd los xij.Qhov tseem ceeb uas koj yuav nco qab ntsoov ces thaum ib tug kws txiav txim plaub ntug yuav tsis kam foob koj ntawd, tej zaum nws yuav tsis foob koj, los sis tus kws txiav txim plaub ntug yuav tsis kam txiav txim tias koj ua txhaum tau. Nyob rau tib lub sij hawm no, txheej xwm txoj cai yuav lav tsis tau dab tsi li, thiab qhov tseem ceeb ces yuav tau mob siab saib xyuas qhov raug foob ntawd tiag tiag.

Lub Chaw Saib Xyuas Txoj Cai Lij Choj tau tsim khoos kas uas hu ua Ig An Agent Knocks los muab cov ntaub ntawv qhia rau cov neeg uas nyob rau pab pawg raug soj qab ntawm tub ceev xwm FBI los sis lwm cov neeg lis hauj lwm txog fab tshuaj xyuas ntawm tsoom fwv.Peb xav kom tshab xyuas cov ntaub ntawv no.TLDR: Koj muaj txoj cai los hais yog tias koj: 1) tsis pom zoo cia tshawb nrhiav los sis tsis pom zoo cia nkag los rau hauv koj lub tsev, 2) nyob ntsiag to tau, thiab 3) xav tham rau ib tug kws lij choj! Feem ntau, qhov uas nyab xeeb dua ces yuav tau sab laj nrog ib tug kws lij choj txog cov cai no ua ntej yuav muab lus rau tub ceev xwm los tshawb nrhiav los sis nkag los.Koj muaj peev xwm hu rau National Lawyers Guild Tus Xov Tooj Hu Sai rau ntawm (212) 679-2811.

Peb xav kom koj nyeem daim ntawv uas ntsig txog kev nyab xeeb rau fab kab lis kev cai kom to taub zoo dua txog kev nyab xeeb rau fab kab lis kev cai thiab cov lus los sis cov ntaub ntawv uas yuav raug muab siv foob koj los sis lwm tus neeg.Yog tias cov neeg lis hauj lwm ntawm tsoom fwv nom tswv nug koj, koj muaj cai nyob ntsiag to, thiab thov kom tham nrog ib tug kws lij choj tau.Feem ntau, qhov uas nyab xeeb dua ces yuav tau sab laj nrog ib tug kws lij choj txog cov cai no ua ntej yuav muab lus rau tub ceev xwm.(Yog tias koj raug ceev lawm, qhov uas qhia koj lub npe thiab hnub yug rau lawv mas yeej tsis ua cas.)

Saib cov lus qhia tuaj ntawm Electronic Frontier Foundation uas hais txog kev soj qab xyuas raws digital rau thaum tawm mus tawm tsam.

Qhov ntawd suav nrog cov lus qhuab qhia, uas feem ntau yog sawv daws siv tau yooj yim xwb.Tej zaum lwm yam yuav siv tsis tau rau koj.Xav txog koj tus kheej qhov xwm txheej uas yog xav txog feem muaj pheej hmoo tsis zoo uas kam lees txais yuav tau thiab yam uas koj lees txais yuav tsis tau.

Koj muaj peev xwm tshaj qhia qhov no mus rau tim MN ACLU thiab/los sis lub chaw MN Attorney General’s Office.Koj kuj muaj peev xwm tiv toj rau cov kws lij choj, xws li cov tswv cuab ntawm lub chaw National Police Accountability Project.

Tej zaum koj yuav tau txais daim ntawv ntes thiab raug tso tawm kiag tam sis ntawd thiab tej zaum yuav raug coj mus nyob tim tsev kaw neeg hauv cheeb nroog.Yog tias koj tau txais daim ntawv ntes, qhov ntawd suav nrog cov ntaub ntawv ntsig txog hnub yuav raug foob tuaj rau tim tsev txiav txim plaub ntug thiab.Yog tias koj raug ceev thiab raug coj mus nyob tim tsev kaw neeg hauv cheeb nroog, tej zaum koj yuav nyob tim mus ntev li ib hnub txog peb hnub, nce raws li thaum koj raug ntes thiab qhov sai ntawm hnub txiav txim tim tsev txiav txim plaub ntug.Tej thaum tsev txiav txim plaub ntug yuav kom tso nyiaj tab ua ntej txog hnub tsev txiav txim plaub ntug hais.Yog tias koj them tsis tau cov nqi tab, koj muaj peev xwm tiv toj thov kev pab rau Koom Haum Pab Nyiaj Tab Rau Tib Neeg hauv Minnesota.